დიდი ბრიტანეთის პრემიერმინისტრი აცხადებს, რომ ომი უკრაინაში რუსეთმა დაიწყო, ხოლო დიდი ბრიტანეთი უკრაინას იმიტომ ეხმარება, რომ უკრაინას აქვს უფლება, თავი დაიცვას:
“ჩვენ არ გვსურს მტრობა რუსეთთან, ამის განზრახვა ნამდვილად არ გვაქვს. მაგრამ ეს ომი რუსეთმა დაიწყო, უკრაინას კი, ცხადია, აქვს უფლება, თავი დაიცვას. სწორედ ამითაა განპირობებული ჩვენი მხრიდან უკრაინის კონტიგენტის სწავლება და მომზადება, ასევე სამხედრო დახმარება. და ჩვენ ამას აუცილებლად განვიხილავთ აშშ-ის პრეზიდენტ ჯო ბაიდენთან შეხვედრის დროს”,
– თქვა კირ სტარმერმა “გარდიანთან” ინტერვიუში.
გავრცელებული ინფორმაციით, უკრაინას დასავლეთმა მისცა ნება, შეუტიოს რუსეთის სიღრმეში არსებულ სამხედრო ლოკაციებს შორსმფრენი რაკეტებით, თუმცა, ჯერ საუბარია არა ამერიკულ ATACMS-ებზე, არამედ ბრიტანული წარმოების Storm Shadow და ფრანგულ Scalp რაკეტებზე.