მიეცეს მიხეილ სააკაშვილს უკრაინის სახალხო დამცველთან შეხვედრის შესაძლებლობა – ამ მოთხოვნით სამოქალაქო საზოგადოებამ იუსტიციის მინისტრს მიმართა. წერილის ავტორებმა რატი ბრეგაძეს მესამე პრეზიდენტის უფლებების დარღვევისთვის ორჯერ უკვე მიმართეს, თუმცა მათი თქმით, სამინისტრო დუმს.
“ვითხოვთ, რომ მან მისცეს საშუალება უკრაინის სახალხო დამცველს, შევიდეს ბატონ მესამე პრეზიდენტთან, მოინახულოს და თავისი დასკვნა დადოს. ამის საშუალებას არ აძლევენ, მესამედ მოდის ეს მოთხოვნა უკრაინიდან, ჩვენ რა თქმა უნდა, ამის მხარდამჭერები ვართ და დღეს აქ სწორედ იმიტომ შევიკრიბეთ, რომ ეს მოვითხოვოთ კატეგორიულად”, – თქვა მხატვარმა, გია ბუღაძემ.