დეკანოზი, ქ. მიუნხენის წმ. ვახტანგ გორგასლის სახ. ქართული მართლმადიდებელი ეკლესიის მღვდელმსახური თამაზ ლომიძე წერს, რომ, სახელმიწიფო რელიგიად მარმართლმადიდებლობის გამოცხადება, “თუ 21-ე საუკუნეში ეს საერთოდ სერიოზულად მოუვიდა ვინმეს თავში, სინამდვილეში არის მართლმადიდებელი ეკლესიის მტრობა.
სახელწიფო ძალაუფლება ანუ კეისარი და ქრისტეს სამეფო ანუ ეკლესია ვერასდროს იქნებიან მეგობრები. კეისარი არასდროს ყოფილა ეკლესიის მეგობარი; ასე იყო პილატეს დროს, ასე იყო კონსტანტინეს დროს, ასე იყო იუსტინეს დროს, რომშიც, ბიზანტიაშიც, რუსეთშიც, კომუნისტების დროსაც და ყველაგან, სადაც ამგვარ მოჩვენებითი სიმფონიას აწყობდნენ ხოლმე კეისარსა და ეკლესიას შორის.
სახელმწიფო ძალაუფლება ყოველთვის შეეცდება ეკლესიის დამორჩილებას და მის გამოყენებას საკუთარი, მიწიერი და ხშირად მცდარი მიზნებისთვის. ეს უბრალოდ მისი ბუნებაა, სხვაგვარად მას არ შეუძლია, ასეთია სახელმწიფო ყველგან. სწორედ ამიტომ თქვა ქრისტემ: მეფე ვარ, მაგრამ, არა ამქვეყნიურიო. ამქვეყნიური ძალაუფლება შეუთავსებელია ქრისტეს სამეფოსთან. კეისრის ძალაუფლებასთან სიახლოვე ყოველთვის დააზიანებს ეკლესიას. ამიტომ, ეკლესია ყოველთვის უნდა იყოს თავისუფალი და დამოუკიდებელი კეისრისგან. ესაა სახარებისეულიც მცნებაც და საუკუნეებში გამოცდილი ჭეშმარიტებაც. არაა საჭირო ველოსიპედის თავიდან გამოგონებ”, – წერს დეკანოზი.