იუსტიციის მინისტრის მოადგილე, თამარ ტყეშელაშვილი ამტკიცებს, რომ უცხოური ძალის ინტერესების გამტარებელ ორგანიზაციათა რეესტრში დასარეგისტრირებლად საჯარო რეესტრს ამ დროისთვის, 233-მა ორგანიზაციამ მიმართა. ამის შესახებ მან საკონსტიტუციო სასამართლოში თქვა, სადაც რუსულ კანონზე საჩივრების განხილვა მიმდინარეობს.
“ამ დრომდე, რეგისტრაციისთვის, საჯარო რეესტრის ეროვნულ სააგენტოს 233-მა ორგანიზაციამ მიმართა. დრო ჯერ კიდევ არის”. – თქვა ტყეშელაშვილმა.
მოსამართლეების კითხვაზე, სულ რამდენი არასამთავრობო ორგანიზაციაა საქართველოში, ტყეშელაშვილმა თქვა, რომ სულ 30 000-მდეა, თუმცა აქედან ბევრი გასახშირია.
“გეტყვით ამ პროპორციას, თუმცა, ეს მონაცემები გასახშირია. ჩვენ ვიცით, რომ არსებობს სახელმწიფო ა(ა)იპები, არსებობს ფედერაციები და ა.შ. ეს კიდევ ცალკე დასათვლელია. სულ არის დაახლოებით 30 000-მდე, თუმცა, აქედან ძალიან ბევრი ა(ა)იპ არის სახელმწიფო”. – უპასუხა ტყეშელაშვილმა.
შეგახსენებთ, რომ რუსული კანონის აღსასრულებლად შექმნილ დეპარტამენტს სანდრო კირვალიძე უხელმძღვანელებს
იუსტიციის მინისტრის, რატი ბრეგაძის გამოცემული ბრძანების თანახმად, ფინანსური დეკლარირების დეპარტამენტი ორი სტრუქტურული ერთეულისგან შედგება:
რეგისტრაციის სამსახური;
დეკლარირების მონიტორინგის სამსახური.