უკრაინელმა მებრძოლებმა კურსკის ოლქის კიდევ სამი დასახლება აიღეს და მინიმუმ, 3 კმ-ით წინ წაიწიეს, – ამის შესახებ უკრაინის პრეზიდენტმა ვოლოდიმირ ზელენსკიმ განაცხადა. 

შეგახსენებთ, უკრაინის რეგულარული არმიის ნაწილებმა კურსკის ოლქის მიმართულებით მოულოდნელი შეტევა 6 აგვისტოს დაიწყეს. ამ ხნის განმავლობაში უკვე აკონტროლებენ 1300 კვ. კმ ტერიტორიას, ხოლო ოფიციალურად, რუსი დევნილების რიცხვი უკვე მიუახლოვდა 200.000 ადამიანს. 

ამავე დროს, უკრაინელებმა 3.000-ზე მეტი რუსი სამხედრო პირი ტყვედ აიყვანეს. 

კურსკის ოლქში, უკრაინელ და სხვა ეროვნების მებრძოლებთან ერთად, ქართველი მოხალისეებიც იმყოფებიან. ისინი აქტიურად მონაწილეობენ როგორც შეტევით, ასევე წმენდის ოპერაციებში. ამ დროისთვის რუსეთის ტერიტორიაზე, რამდენიმე დასახლებაში, უკრაინის დროშის პარალელურად, საქართველოს სახელმწიფო დროშაც ფრიალებს.