პავლე დუროვის დაკავების ვადა გაგრძელებულია – ასეთი გადაწყვეტილება მიიღო საფრანგეთის სასამართლომ წუხელ. პროკურატურის ოფიციალურ განცხადებას დღეს ელოდებიან. “ტელეგრამმა” კი უკვე გაავრცელა ოფიციალური განცხადება და აღნიშნა, რომ ის ევროკავშირის კანონებს იცავს, მოდერაცია კი შეესაბამება ინდუსტრიის სტანდარტებს და “მუდმივად უმჯობესდება”.
“პაველ დუროვს არაფერი აქვს დასამალი და, ცხადია, ბევრს მოგზაურობს, მათ შორის, ევროპაშიც. არასერიზულია მისი დადანაშაულება იმის გამო, რომ პლატფორმას ზოგიერთები არაკეთილსინდისიერად იყენებენ”, – ნათქვამია განცხადებაში, სადაც ასევე აღნიშნულია, რომ ელოდებიან “გაუგებრობის გაფანტვას” და “სიტუაციაში სწრაფად გარკვევას”.