მთავარისიახლეებისაზოგადოებარუსეთის საგარეო დაზვერვა - ამერიკელები საქართველოში „ფერად რევოლუციას“ ამზადებენ

რუსეთის საგარეო დაზვერვა – ამერიკელები საქართველოში „ფერად რევოლუციას“ ამზადებენ

Published on

ამერიკელები უკიდურესად უკმაყოფილოები არიან საქართველოში, 26 ოქტომბრის საპარლამენტო არჩევნების წინ არსებული ვითარებით და ქვეყანაში „ფერად რევოლუციას“ ამზადებენ, – ამის შესახებ რუსეთის ფედერაციის საგარეო დაზვერვის სამსახურის პრეს-ბიურო იუწყება.

„ამერიკელები საქართველოში „ფერად რევოლუციას“ ამზადებენ. რუსეთის ფედერაციის საგარეო დაზვერვის სამსახურის პრეს-ბიურო იუწყება, რომ, მიღებული ინფორმაციის თანახმად, თეთრი სახლი უკიდურესად უკმაყოფილოა 26 ოქტომბრის საპარლამენტო არჩევნების წინ საქართველოში არსებული ვითარებით“, – აღნიშნულია განცხადებაში.

უწყების მტკიცებით, ამისათვის ქართული პროდასავლური არასამთავრობო ორგანიზაციები რეკრუტების დიდ რაოდენობას აგროვებენ, რათა ყურადღებით დააკვირდნენ ხმის მიცემის პროცესს. მათ ევალებათ „აუცილებელი ფაქტების“ იდენტიფიცირება და დაფიქსირება.

რუსეთის საგარეო დაზვერვის სამსახურის ცნობით, „თბილისის მეიდანზე“ იგეგმება კენჭისყრის დროს გაყალბების მტკიცებულებების გამოქვეყნება, არჩევნების შედეგების არაღიარება და ხელისუფლების ცვლილების მოთხოვნა. მათივე მტკიცებით, მოხდება სამართალდამცავი ორგანოების პროვოცირება პროტესტის ძალით ჩახშობისთვის.

„ამავდროულად, ამერიკელები წინასწარ მუშაობენ “დაუნდობელი” პოლიტიკური და ეკონომიკური პასუხის ვარიანტებზე ხელისუფლების მხრიდან “მოქალაქეების” წინააღმდეგ ძალის „გადამეტებული” გამოყენებისთვის“, – აცხადებენ რუსეთის საგარეო დაზვერვაში.

მათი მტკიცებით, მმართველ პარტია „ქართულ ოცნებას“ 26 ოქტომბრის არჩევნებში შეუძლია მოსახლეობის ნდობის დამაჯერებელი კრედიტის მოპოვება, ვინაიდან ქართული ოპოზიციური ძალები, ამერიკელების მცდელობის მიუხედავად, დანაწევრებული რჩებიან და მათ მიერ შექმნილი კოალიციები ძალიან მყიფეა.

„ეს, როგორც შეერთებულ შტატებში შიშობენ, მმართველ პარტიას გაუხსნის ხელებს, განაგრძოს სუვერენული კურსი და უარი თქვას დასავლეთის მოთხოვნების შესრულებაზე, რომლებიც ეწინააღმდეგება საქართველოს ეროვნულ ინტერესებს. თეთრი სახლი მსგავს სცენარს მიუღებლად მიიჩნევს. ამერიკელები აპირებენ, მასიურად გაზარდონ ზეწოლა საქართველოს ხელისუფლებაზე არჩევნებამდე დარჩენილ კვირებში, რათა მაქსიმალურად შეასუსტონ ქართული ოცნების საარჩევნო პოზიციები“, – აცხადებენ რუსეთის საგარეო დაზვერვაში.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...