დეპუტატი თეონა აქუბარდია ამბობს, რომ რუსეთის დაზვერვის სამსახურის განცხადება კიდევ ერთი უტყუარი მტკიცებულებაა, რომ რუსეთი ღიად ჩაერევა და ერევა საქართველოს არჩევნებში.
აქუბარდიას თქმით, “ჩვენი დაზვერვის სამსახურის და მისი შეფის დუმილით კარგად ჩანს, რამდენად სჭირდება “ოცნებას” ოკუპანტი სახელმწიფოს დახმარება”.
მაშინ, როდესაც ოკუპანტი სახელმწიფოს სპეცსამსახურები ღიად უჭერენ მხარს “ოცნებას” და იმეორებენ იმ ანტიდასავლურ პროპაგანდას, რომელზეც ბიძინა ივანიშვილმა თავად ისაუბრა ამერიკაზე, გატარების მოწყობასთან დაკავშირებით, მაშინ, როდესაც ჩვენი დაზვერვის სამსახური თავის ახალი შეფით, ირაკლი ბერაიათი დუმილს ამჯობინებს, ეს კიდევ ერთი მტკიცებულებაა იმისა, თუ როგორ უჭირს “ქართულ ოცნებას” ამ არჩევნების მოგება და რამდენად სჭირდება მას ოკუპნატი სახელმწიფოს დახმარება. ის, რომ რუსეთი ღიად ჩაერევა და ერევა საქართველოს არჩევნებში დემოკრატიის საპირისპიროდ, ეს განცხადება უტყუარი მტკიცებულებაა. არასდროს ქართულ არჩევნებში ასე ღიად რუსეთის სპეცსამსახურები არ ჩარეულან”, – ამბობს აქუბარდია.
“ამერიკა საქართველოს ხელისუფლების შეცვლას გეგმავს” – განცხადებას ამის შესახებ რუსეთის დაზვერვის სამსახური აქვეყნებს.
მოსკოვის მტკიცებით, მათ შეერთებული შტატების გეგმები გაშიფრეს, რომლის თანახმადაც, საქართველოში არჩევნების გაყალბების მტკიცებულებები გამოქვეყნდება, რასაც ხელისუფლების შეცვლის მოთხოვნა მოყვება.