როგორც მის მიერ გავრცელებული პოსტიდან ვკითხულობთ ის ,,გემო ფესტის’’ მონაწილეების სიიდან მოიხნა. ამ გადაწყვეტილების მიზეზი კი ის არის რომ, ის ზედმატად ცნობადი სახეა.
,,ამბავი დაიწყო და დასრულდა… Gemo Fest – გემო ფესტი რომელიც სექტემბერში, ზუგდიდში ტარდება, არ ვმონაწილეობ! წუხელ მითხრეს, რომ ზედმეტად ცნობადი სახე ვარ. მიყვარს ასეთი მიზეზები… მადლობა შეფებს, რომ ჩემი იდეა- მეგრული გემო ახლებურად წარმომეჩინა, ბევრი რჩევა და მითითება მომცეს. საოცრად დახვეწილი კერძების გაზიარება მქონდა დაგეგმილი. ყველაფრის ერთმანეთში არევა ტეხავს მეგობრებო!!! გასტრონომია ის კულტურაა, რომელსაც პოლიტიკა არ უნდა ეხებოდეს, მაგრამ… პს. ვისაც ჩემი გემრიელობების დაგემოვნება გაინტერესებთ, პირადში გელოდებით’’, – წერს ლიკა როგავა ფეისბუქ გვერდზე.
საქართველოს ტურიზმის ეროვნული ადმინისტრაციის ინიციატივით დაფუძნებული “გემო ფესტი” ზუგდიდში 7 – 8 სექტემბერს გაიმართება. ორგანიზატორებით თქმით, პროექტის მიზანია რეგიონებში გასტრონომიული ტურიზმის ხელშეწყობა, ადგილობრივი სამზარეულოს პოპულარიზაცია, მეწარმეების/ოჯახების წახალისება, შიდა და საერთაშორისო ტურიზმის სტიმულირება.