„ემზადებით დანაშაულის ჩადენისთვის და შენობის გარეთ აღმართული გალავანი სწორედ რომ მოახლოებულ არჩევნებს უკავშირდება.“ – ამ სიტყვებით მიმართა ცესკოში „ერთიანი ნაციონალური მოძრაობის“ წარმომადგენელმა დავით კირთაძემ ცესკოს თავმჯდომარეს.
ცენტრალური საარჩევნო კომისიის შენობას გარშემო რკინის ღობე შემოავლეს. როგორც ხელისუფლებაში ამბობენ, უსაფრთხოების დამატებითი ზომები მიიღეს. ცესკოში „ერთიანი ნაციონალური მოძრაობის“ წარმომადგენლის, დავით კირთაძის აზრით აღმართული გალავანი მოახლოებულ არჩევნებს უკავშირდება
დავით კირთაძის განცხადებით – საშინელი მდგომარეობა შექმენით გარედან, ნამდვილად აჩენს იმის ეჭვს, რომ რაღაცის გეშინიათ, რაღაცისთვის ემზადებით და ეს რაღაც თქვენი დანაშაულია, რომლის ჩადენასაც აპირებთ და რომელიც გამოიწვევს ხალხში წყენას, ამისთვის ემზადებით და ამისთვის გჭირდებათ ეს გალავანიც. შემდეგ ვინმეს წყენა რომ არ გამოიწვიოს და ვინმემ რამე არ მიგითითოთ თუ როგორ ცუდად იქცევით.” – განაცხადა დავით კირთაძემ.