“ერთიანობა-ნაციონალური მოძრაობის” წევრი ლაშა ბაქრაძე აცხადებს:

“კარგად ვიცით, რომ “ქართული ოცნება” ყველაფერს აკეთებს, რათა ეს არჩევნები არც თავისუფალი იყოს და არც სამართლიანი. ამის დამადასტურებელი ერთ-ერთი კარგი მაგალითია “დემოკრატიული ფესტივალისთვის” ხელის შეშლა – არამარტო საზოგადოებრივ ადგილებში, არამედ კერძო ბიზნესიც ისე დააშანტაჟეს, რომ ყველამ უარი თქვა მიეცათ სივრცე ფესტივალისთვის, რაც იმაზე მეტყველებს, რომ “ქართულ ოცნებას” არ უნდა, ოპოზიციას ჰქონდეს საშუალება, დაელაპარაკოს საკუთარ ხალხს და უნდა, რომ ყოველმხრივ შეზღუდოს თავისუფალ აზრთა გაცვლა-გამოცვლა ამ ქვეყანაში.

სწორედ ამიტომ ქართულმა, პროდასავლურმა, დემოკრატიულმა ოპოზიციამ, ერთიანობით უნდა შეძლოს 26 ოტომბერს და დაამარცხოს ეს ხელისუფლება, რომელსაც საქართველო ავტორიტარიზმისაკენ მიჰყავს და უფსკრულში უპირებს გადაჩეხვას”, – განაცხადა ლაშა ბაქრაძემ.

შეგახსენებთ, რომ „ქართული ოცნების“ დეპუტატები დანიური დაფინანსებით გამართულ “დემოკრატიის ფესტივალს წინასაარჩევნო კამპანიაში უცხო ქვეყნის უხეშ ჩარევად აფასებენ. პარლამენტის თავმჯდომარემ მას “ავტორიტარიზმის ფესტივალი” უწოდა და განაცხადა, რომ მსგავსი ფესტივალები საქართველოში არ შედგება. ოპოზიცია კი „ქართული ოცნების“ ბრალდებებს უსაფუძვლოს უწოდებს და განმარტავს, რომ ფესტივალის მიზანი მოქალაქეებისთვის პოლიტიკური პარტიების პროგრამების გაცნობაა.