ზუგდიდში ცეცხლი გაჩნდა მრავალსართულიანი კორპუსის ბინაში, სადაც იმ დროისთვის ოთხ ბავშვს ეძინა. ოთხიდან მხოლოდ ორის გადარჩენა მოხერხდა, ტყუპების სიცოცხლე კი ხანძარმა იმსხვერპლა – გავრცელებული ინფორმაციით, ბავშვების გაღვიძება ვერ მოესწრო და ისინი ძილში, კვამლისგან გაიგუდნენ.
სახანძრო-სამაშველო სამსახური ადგილზე გამოძახებიდან რამდენიმე წუთში მივიდა, ცეცხლის ლოკალიზაცია და ლიკვიდირებაც დროულად მოხდა, მაგრამ ბავშვები უკვე გარდაცვლილი იყვნენ.
სოციალურად დაუცველი ოჯახის წევრი ბავშვები ბინაში დედასთან ერთად ცხოვრობდნენ, რომელიც ხანძრის გაჩენის დროს შინ არ იმყოფებოდა. ხანძრის გაჩენის მიზეზი ამ დროისთვის უცნობია.