ერთიანი ნაციონალური მოძრაობის თავმჯდომარე თინა ბოკუჩავა წერს, რომ საქართველოს მესამე პრეზიდენტის ერთიანობისკენ მოწოდების თანახმად, ქვეყნის საკეთილდღეოდ გაერთიანების დროა. მისივე თქმით, ენმ-ს კარი ყველასთვის ღიაა და მზადაა ყველა შეთანხმებისთვის, რაც ერთიანობის გამტკიცებას ემსახურება.
“პრეზიდენტი მიხეილ სააკაშვილი არის ნაციონალური მოძრაობის დამფუძნებელი, საპატიო თავმჯდომარე და ამ პარტიის ყველაზე დიდი ელექტორალური ძალა.
ჩვენ ვიზიარებთ მის მოწოდებას ერთიანობისკენ, მათ შორის, ძველი თანამებრძოლების მიმართ. დროა, გვერდზე გადავდოთ წარსულში არსებული ყველა განსხვავება და გავერთიანდეთ ქვეყნის საკეთილდღეოდ.
პრეზიდენტი სააკაშვილი ყოველთვის იყო და მომავალშიც იქნება ერთიანობის ფლაგმანი. ნაციონალური მოძრაობის თავმჯდომარეობის უდიდესი პასუხისმგებლობაც სწორედ იმიტომ ავიღე, რომ მტკიცედ მჯერა ერთიანობის იდეისა და ძალის. ამიტომ, ჩვენი კარი ღიაა ყველასთვის და მზად ვარ ყველა შეთანხმებისთვის, რომელიც ერთიანობის განმტკიცებას ემსახურება”, – წერს თინა ბოკუჩავა “ფეისბუქზე”.