რუსეთში, ბელგოროდის ოლქის კიდევ ერთ რაიონში გამოცხადდა ევაკუაცია, რაც იმას ნიშნავს, რომ რუი დევნილების რიცხვი უკვე 80.000-ზე მეტია.

რუსეთის ბელგოროდის ოლქის გუბერნატორმა დაადასტურა უკრაინის შეიარაღებული ძალების „აქტიურობა“ კრასნოიარუჟსკის რაიონში.

ეს რაიონი მდებარეობს დაახლოებით 45 კილომეტრში რუსეთის კურსკის ოლქის სუჯის რაიონიდან, სადაც უკრაინის სახმელეთო ძალები 6 აგვისტოს შევიდნენ.

შეგახსენებთ, რომ რუსი დევნილების აბსოლუტური უმეტესობა, 75.000-ზე მეტი, კურსკის ოლქიდანაა. ამავდროულად, უკრაინელები წინსვლას აგრძელებენ. მაგალითად, გუშინ ღამის მონაცემებით, ისინი კიდევ ორ დასახლებას – მარტინოვკასა და გორდეევკას აკონტროლებენ, ხოლო კურსკის ოლქში პირველი “კადიროველი” ტყვეები აიყვანეს. 

საერთაშორისო მედია და პოლიტიკური ელიტა კურსკში უკრაინელების შეჭრას თავშეკავებულად ეხმიანება. მაგალითად, “ფორბსი” წერს, რომ უკრაინელები კურკის ოლქშში სანგრებს თხრიან და საფორტიფიკაციო ნაგებობებზე მუშაობენ, რაც იმას ნიშნავს, რომ იქ ისინი დიდხანს აპირებენ დარჩენას. 

ეროვნული უსაფრთხოების საკითხებში თეთრი სახლის მრჩეველმა ჯონ კირბიმ განაცხადა, რომ “აშშ არკვევს, რა მიზნები და ამოცანები აქვს უკრაინას კურსკის ოლქში”. ამასთან, კირბიმ უარი განაცხადა კომენტარი გაეკეთებინა ბრძოლის ველზე არსებულ მდგომარეობასთან დაკავშირებით.