ქართველი მეცნიერი და ტექნოლოგიების სპეციალისტი ნიკო კვარაცხელია, რომელიც თბილისში ქილერმა მოკლა, დღეს 25 წლის გახდებოდა. ნიკოს დედა იზა ომაძე “ფეისბუქზე” წერილს აქვეყნებს:
“მინდა დავწერო ნიკო 25 წლის, მაგრამ შვილო შენ ხომ მარად 22 წლის ხარროგორი გაუსაძლისი დღე დადგა, უსაშინლეს სიზმარშიც რომ ვერ დავუშვებდით
ნიკო მთაში,ნიკო ზღვაში, ნიკო მოგზაურობაში, ყველგან ნიკო….
თურმე ზეცას აკლადი მანათობლად….
მგონი თითზე ჩამოსათვლელად თუ შეხვედრია ვინმე სიკვდილს ღიმილით, შენს მეტყველ და ღიმილიან სახეს რომელსაც უკანასკნელად დავხედე დავყავარ დღესაც და მახსენდება დიდი ილიას ნათქვამი:
”პაწია ყრმავ, ეხლა როცა პირველად მოდიხარ ქვეყანაში, შენ სტირი და შენს გარშემო კი ყველას სიხარულის ღიმილი მოსდის, იყავ ისე, რომ როცა ქვეყანას ეთხოვებოდე, ყველანი სტიროდნენ და მარტო შენ კი ღიმილი მოგსვლოდეს.“
მაგ ღიმილიანმა სახემ რა გზაზეც დაგვაყენა ისე მივუყვებით ცხოვრებას შენთან ჩახუტებამდე…
ჩვენო ბიჭო, ამ ქვეყნის ხელისუფალს ღმერთზე და კანონზე უფრო შენი მკვლელობის დამგეგმავის ეშინია, მაგრამ გვწამს შვილო შავი ასოებით და ქვეყნის მოღალატის სახელით შევლენ უახლეს ისტორიაში ვისაც იოტისოდენა წვლილიც კი მიუძღვის ! ძალიან ცოტა დრო დარჩა შვილო ძალიან ცოტა…” ,- წერს ნიკო კვარაცხელიას დედა.