“ვაშინგტონ პოსტი” აქვეყნებს სტატიას, სადაც აღნიშნულია, რომ უკრაინის შეიარაღებული ძალების მოულოდნელი გარღვევა კურსკის ოლქში ყველაზე დიდი გამოწვევაა დიქტატორი პუტინისთვის, ვაგნერელების აჯანყების შემდეგ.
კიევის წარმატება ამაღლებს უკრაინელი მეომრებისა და მოქალაქეების მორალურ განწყობას, მაგრამ პარალელურად, ძლიერად ურტყამს კრემლის რეპუტაციასა და ღირსებას.
სტატიაში აღნიშნულია, რომ თუკი უკრაინის ჯარი ისეთი სიჩქარით გააგრძელებს სვლას, როგორც სხვა მიმართულებებზე, რუსეთს მინიმუმ წელიწადი დასჭირდება, რათა კურსკის ოლქში დაკარგული ტერიტორია დაიბრუნოს.
ამასთან, გამოცემა აღნიშნავს, რომ უკრაინელებმა დაიკავეს ოცამდე საზღვრისპირა სოფელი, ნაწილობრივ აიღეს ერთი ქალაქი და ახლა კურსკის ატომურ ელექტროსადგურს უახლოვდებიან.
სტატიაში აღნიშნულია, რომ უკრაინელებს ექნებათ საშუალება, უკვე აღებულ ტერიტორიაზე გამაგრდნენ, რაც პოტენციურად, სერიოზული კოზირი გახდება კიებვის ხელში სამომავლოდ ცეცხლის შეწყვეტის შესახებ შეთანხმების, ან მოლაპარაკების დაწყების შემთხვევაში.
“უკრაინის ძალები რეალურად გაიჭრნენ წინ კურსკის ოლქში, მაგრამ რეალურად რა ტერიტორიას აკონტროლებენ ან რა ტერიტორიის გაკონტროლებას გეგმავენ, ჯერჯერობით გაურკვეველია”, ამბობს გამოცემასთან საუბარში კარნეგის ფონდის უფროსი მეცნიერ-თანამშრომელი მაიკლ კოფმანი.
შეგახსენებთ, ამ დროისთვის უკრაინელები აკონტროლებენ კურსკის ოლქის საკმაოდ მნიშვნელოვან ნაწილს და წინსვლას აგრძელებენ.