რამდენიმე ტელეგრამ-არხზე გავრცელდა ინფორმაცია და ვიდეო, რომლის მიხედვგითაც, უკრაინის სადაზვერვო-დივერსიული ჯგუფის წევრებმა, რომლებიც კურსკის ოლქში გადავიდნენ, რუსი ტყვეები აიყვანეს. ამას თავად ტყვეები ადასტურებენ, რომლებიც ამბობენ, რომ კურსკში დისლოცირებული სამხედრო შენაერთის წევრები არიან.
სადაზვერვო-დივერსიული ჯგუფის შემადგენლობაში ვიცე-პოლკოვნიკ ვანო ნადირაძის მიერ მომზადებული როგორც უკრაინელი, ასევე ქართველი მებრძოლებიც იმყოფებიან.
მაგალითად, გიორგი ფარცვანიამ ატვირთა ვიდეო, სადაც ის ვანო ნადირაძეს მიმართავს და ამბობს, რომ სიგარეტს რუსეთის ტერიტორიაზე გაუკიდა. მოგვიანებით კურსკის ოლქში მომხდარი აფეთქებების ამსახველი კადრები რუსულმა პროპაგანდისტულმა არხებმაც გაავრცელეს, ხოლო კურსკის გუბერნატორის მოვალეობის შემსრულებელმა განაცხადა, რომ “რეგიონში დაძაბულობაა და შეტაკებები მიმდინარეობს, მაგრამ სიტუაციის კონტროლი შენარჩუნებულია”.