სარეაბილიტაციო ტექნიკური სამუშაოების (ახალი ავტომატური სარეზერვო ელექტრო გამანაწილებელი ქსელის განახლებასთან დაკავშირებით) ოპერატიულად დასრულების შედეგად, საბაჟო გამშვებ პუნქტზე “ყაზბეგი” საბაჟო კონტროლის პროცედურები სრულად აღდგენილია.
შემოსავლების სამსახურის ცნობით, საქართველოს საბაჟო საზღვარზე საქონლის შემოტანა-გატანა, აგრეთვე აღნიშნული საბაჟო გამშვები პუნქტის გავლით სახელმწიფო საზღვრის გადამკვეთ ფიზიკურ პირთა მიმართ საბაჟო კონტროლის პროცედურები შეუფერხებლად ხორციელდება.
ამასთან, სასაზღვრო გამტარი პუნქტი”დარიალის” გავლით, მგზავრთა მიმოსვლა (საპასპორტო კონტროლი და საბაჟო კონტროლი) ორივე მიმართულებით აღდგენილია.
ცნობისთვის, ფინანსთა სამინისტროს შემოსავლების სამსახურმა გუშინ, 5 ივლისს, გაავრცელა ინფორმაცია, რომ ტექნიკური სამუშაოების გამო, საბაჟო გამშვებ პუნქტზე „ყაზბეგი“ საბაჟო კონტროლის პროცედურები დროებით შეჩერდებოდა.