პრემიერი ისევ ამტკიცებს, რომ რუსულ კანონით გათვალისწინებული ზომები რბილია და ის სპეკუალციების საფუძველს არ იძლევა. ირაკლი კობახიძის თქმით, ერთადერთი ზომა, რომელსაც აღნიშნული კანონი ითვალისწინებს, 25 ათას ლარიანი ჯარიმაა.
ძალიან რბილი ზომებია გათვალისწინებული კანონით. ერთადერთი ზომა არის 25 ათას ლარიანი ჯარიმა, ეს და არის, მორჩა, ამით ყველაფერი მთავრდება. არავითარი სხვა რისკი არცერთ ორგანიზაციას არ შეექმნება. ვინც იმოქმედებს არაკეთილსინდისიერად და არ დაემორჩილება კანონს, მას დაეკისრება ძალიან მარტივად 25 ათას ლარიანი ჯარიმა, ეს არის და ეს. შესაბამისად, აქ არავითარი სპეკულაციების საფუძველი არ არსებობს, – განაცხადა კობახიძემ.
რუსული კანონი რამდენიმე საათში ოფიციალურად ამოქმედდება. იუსტიციის სამინისტროში უკვე შექმნილია სპეციალური დეპარტამენტიც. დილიდან ყველა იმ მედიას და სამომოქალაქო ორგანიზაციას, რომლებიც უცხოეთიდან ფინანსდებიან, რეესტრში რეგისტრაციის ვალდებულება აქვთ.
ამ ფონზე მესამე სექტორი რეესტრში დარეგისტრირებაზე უარს აცხადებს და ამბობს, რომ რუსულ კანონს არ დაემორჩილება.