რუსებმა, 24 ივლისის ღამით, ადგილობრივი დროით დაახლოებით დილის 06:00 საათზე, ხარკოვი და მისი მიმდებარე ტერიტორიები S-300 რაკეტებით დაბომბეს, რის შედეგადაც ერთი ადამიანი დაიღუპა, არიან დაშავებულებიც. ამის შესახებ ინფორმაციას ხარკოვის მერი იჰორ ტერეხოვი ავრცელებს.
პირველი დარტყმა ხარკოვის ერთ-ერთ რაიონში არსებულ ინდუსტრიულ ზონაზე იყო, მეორე კი საცხოვრებელ ზონას შეეხო, რის შედეგადაც ერთ-ერთ სახლში ხანძარი გაჩნდა.
ადგილობრივი გუბერნატორის ოლეგ სინეგუბოვის განცხადებით, დაახლოებით დილის 07:00 საათზე, მალოდანილივსკის თემზე დრონის თავდასხმის დროს ორი კაცი დაიჭრა. ცეცხლი წაუკიდეს ცხენის თავლებსაც.
თავდასხმის ადგილზე მობილიზებულია შესაბამისი საგანგებო-სამაშველო სამსახურის ბრიგადები.