მას შემდეგ, რაც აშშ-ის პრეზიდენტი ჯო ბაიდენი მისივე სურვილით გამოეთიშა საპრეზიდენტო მარათონს და საკუთარი კანდიდატურა მოხსნა, ამ პოსტზე ღიად დაუჭირა მხარი ვიცე-პრეზიდენტ კამალა ჰარისს.
თავის მრივ, კამალა ჰარისმა განაცხადა, რომ ყველაფერს გააკეთებს, რათა დემოკრატიული პარტია და ქვეყანა გააერთიანოს და ტრამპი დაამარცხოს:
„ყველაფერს გავაკეთებ იმისათვის, რომ გავაერთიანო დემოკრატიული პარტია და გავაერთიანო ჩვენი ერი, რათა დავამარცხოთ დონალდ ტრამპი“, – აღნიშნა ჰარისმა.
მან ჯო ბაიდენს ამერიკელი ხალხის სახელით მადლობა გადაუხადა.
„ამერიკელი ხალხის სახელით მადლობას ვუხდი ჯო ბაიდენს მისი არაჩვეულებრივი ლიდერობისთვის, შეერთებული შტატების პრეზიდენტის პოსტზე და ათწლეულების განმავლობაში ჩვენი ქვეყნისთვის გაწეული სამსახურისთვის. მისი შესანიშნავი მიღწევების მემკვიდრეობა შეუდარებელია ამერიკის თანამედროვე ისტორიაში და აღემატება მრავალი პრეზიდენტის მემკვიდრეობას, რომლებიც ორი ვადით იმსახურეს“, – აღნიშნა ჰარისმა.