პარლამენტში დღეს რიგგარეშე სესია გაიმართება. ერთ-ერთი მთავარი საკითხი, რაზეც დეპუტატებმა უნდა იმსჯელონ, ამნისტიის კანონპროექტია, რომელიც 300-მდე მუხლზე გავრცელდება.
წარმოდგენილი ინიციატივა მიუღებელია საპარლამენტო ოპოზიციის ნაწილისთვის, რომელიც ამტკიცებს, რომ ამნისტიის ეს კონკრეტული კანონპროექტი ჰუმანურ მიდგომას მოკლებულია.
“ძარცვა საცხოვრებელში შეჭრით – ამის ამნისტია ხდება საზღვროს უკანონო კვეთასთან დაკავშირებით, რომელიც ითვალისწინებს ჯარიმას და 3 წლამდე ციხეს, ამ დანაშაულის შეწყალება არ ხდება. ეს ამნისტია მოკლებულია ჰუმანურობას”, – აღნიშნა ოპოზიციონერმა დეპუტატმა, რომან გოცირიძემ.
განსხვავებულად ფიქრობს მმართველი გუნდი. მათი თქმით, ეს არის ჰუმანური აქტი, რომელიც დიდი ხნის განმავლობაში იგეგმებოდა.