აშშ-ის პრეზიდენტს, ჯო ბაიდენს კორონავირუსი დაუდასტურდა. ექიმის თქმით, 81 წლის ბაიდენს მსუბუქი სიმპტომები აღენიშნებოდა და მიიღო ანტივირუსული პრეპარატის Paxlovid-ის პირველი დოზა.
“მე კარგად ვგრძნობ თავს”, – განუცხადა სრულად აცრილმა ბაიდენმა ჟურნალისტებს ოთხშაბათს ლას-ვეგასში და ცერა თითით მაღლა ასწია, სანამ დელავერის რეზიდენციაში გაემგზავრებოდა. პრეზიდენტი იქ იზოლირებული იქნება აშშ-ს დაავადებათა კონტროლისა და პრევენციის ცენტრის მითითებების შესაბამისად.