ისრაელის არმიამ ღაზის სექტორში მიმდინარე სამხედრო ოპერაციის დროს ქალაქ ღაზაში „ჰამასის“ საზღვაო ძალების მეთაური ანას მურადის ლიკვიდაცია მოახდინა. ინფორმაცია ამის შესახებ ისრაელის თავდაცვის არმიის („ცაჰალი“) ტელეგრამ არხზეა გამოქვეყნებული.
„ისრაელის თავდაცვის არმიისა და ისრაელის კოსმოსური სააგენტოს დაზვერვის მეშვეობით ისრაელის საჰაერო ძალებმა ღაზაში ისლამური ჯიჰადის საზღვაო ძალების მეთაური ანას მურადი მოკლეს“, – ნათქვამია ინფორმაციაში.
მეორე საჰაერო იერიშით ისრაელის საჰაერო ძალებმა აჰმად ალმასრი მოკლეს, რომელიც 2023 წლის 7 ოქტომბერს ისრაელზე თავდასხმაში და ებრაელების მასობრივ მკვლელობაში მონაწილეობდა.
ამასთან, როგორც ინფორმაციაში აღნიშნული, ისრაელის არმია განაგრძობს სამხედრო ოპერაციას რაფაჰში. მხოლოდ გასულ დღეს ისრაელის სამხედროებმა რამდენიმე გვირაბის აღმოჩენა და ტერორისტის ლიკვიდირება შეძლეს.