დღეს, 16 ივლისს ევროპარლამენტი ახალ პრეზიდენტს აირჩევს – ამის შესახებ ევროპარლამენტის პრესსამსახური წერს.
თანამდებობაზე ორი კანდიდატია წარდგენილი – მოქმედი პრეზიდენტი რობერტა მეცოლა და ახლად არჩეული ევროპარლამენტარი ირენ მონტერო.
პრესსამსახურის ინფორმაციით, პირველი კენჭისყრა სტრასბურგში ადგილობრივი დროით 10:00 საათზე გაიმართება.
შეგახსენებთ, რომ რობერტა მეცოლა ბოლო ორი წელია ხელმძღვანელობს ევროპარლამენტს. ის ამ თანამდებობაზე 2022 წლის დასაწყისში აირჩიეს.
ირენ მონტერო ესპანელი პოლიტიკოსია, მემარცხენე პარტია „პოდემოსის“ წარმომადგენელი.