პირი, რომელმაც პენსილვანიაში, მხარდამჭერებთან შეხვედრის დროს ცეცხლი გაუხსნა დონალდ ტრამპს, განეიტრალებულია.
სი-ენ-ენის ცნობით, მიტინგზე მყოფი ერთი ადამიანი დაიღუპა, ერთის მდგომარეობა კი მძიმეა.
ტრამპის სპიკერმა, სტივენ ჩეუნგმა განაცხადა, რომ ყოფილი პრეზიდენტი და მოქმედი კანდიდატი თავს კარგად გრძნობს და ადგილობრივ სამედიცინო დაწესებულებაში გადის შემოწმებას.
შეგახსენებთ, სროლის დროს დონალდ ტრამპი სახეში მსუბუქად დაიჭრა, ის შემთხვევის ადგილიდან გაძლიერებული დაცვის თანხლებით გაიყვანეს.