ნატოს სამიტის განცხადებაში საქართველოცაა ნახსენები – რისკენ მოუწოდებს ალიანსი რუსეთს

0
31

ვაშინგტონში დღეს დაიხურება ნატოს საიუბილეო სამიტი, რომელიც, ძირითადად, უკრაინის უსაფრთხოებას ეძღვნება. სამიტის დაწყებამდე ერთმანეთს შეხვდნენ ჯო ბაიდენი და ვოლოდიმირ ზელენსკი. 

სამიტზე მიღებულ განცხადებაში საქართველოზეცაა საუბარი: ნატოს წევრი ქვეყნები მოუწოდებენ რუსეთს, გაიყვანოს ჯარები საქართველოს ტერიტორიიდან. 

“ჩვენ მოვუწოდებთ რუსეთს, გაიყვანოს თავისი ძალები მოლდოვიდან და საქართველოდან, რომლებიც მათი თანხმობის გარეშეა განლაგებული“, – აღნიშნულია დეკლარაციის მე-17 პუნქტში.

ამასთან, დოკუმენტში, დასავლეთ ბალკანეთისა და შავი ზღვის რეგიონებზე საუბრისას, ხაზგასმულია, რომ ნატო მხარს უჭერს ამ რეგიონების ქვეყნების ევროატლანტიკურ მისწრაფებებს. დეკლარაციის თანახმად, აღნიშნული რეგიონები ალიანსისთვის სტრატეგიული მნიშვნელობისაა და ნატო რჩება მათი უსაფრთხოებისა და სტაბილურობის ერთგული.

წინა სტატია13 წლის არასრულწლოვანის გაუპატიურებისთვის კაცს 15 წლით პატიმრობა მიუსაჯეს
შემდეგი სტატიასაქართველოში აშშ-ის სახელმწიფო მინისტრის მოადგილის ექვსდღიანი ვიზიტი იწყება
ტელეკომპანია ოდიშის საინფორმაციო სამსახური