პილოტ კახაბერ ზურაბაშვილს დღეს გორში, სამხედრო პატივით დაკრძალავენ

0
27

სუ-25 ტიპის საფრენი აპარატის კატასტროფის დროს დაღუპული პილოტის, კახაბერ ზურაბაშვილის ცხედარი გორის საკათედრო ტაძარში გადაასვენეს, სადაც სამოქალაქო პანაშვიდი მიმდინარეობს. კახაბერ ზურაბაშვილს სამხედრო პატივით დღეს, გორში დაკრძალავენ.

“ჩვენმა ქვეყანამ დაკარგა ერთი გმირი. მე მინდა, ვთხოვო საზოგადოებასა, რომ ჩვენ არ უნდა ვისაუბროთ მხოლოდ ორ თეორიულ ვერსიაზე ერთი, არის, რომ შესაძლოა ტექნიკურად გაუმართავი ყოფილიყო საფრენი აპარატი და მორე ის, რომ შეიძლება შეცდომა დაეშვა ჩვენ პილოტს.

ამ ორი ვერსიის გარდა, რა თქმა უნდა, არსებობს მესამე და თეორიულად ყველაზე დიდი შანსის მატარებელი ვერსია, რომელიც არის ის, რომ ასეთ სწავლებებზე შეიძლება მოხდეს გაუთვალისწინებელი შემთხვევა, შეიძლება ადამიანი ყოველთვის ვერ იყოს ისეთ ფიზიკურ ფორმაში.

ვიმეორებ, ჩვენ კიდევ ერთხელ გვაქვს მაგალითი, რომ დავაფასოთ ჩვენი სამხედრო მოსამსახურეები არა მარტო იმიტომ,რომ საბრძოლო მოქმედებებში მიიღებენ ან იღებენ მონაწილეობას, არამედ იმიტომაც, რომ მათი ყოველი დღე არის რისკის მატარებელი, ისინი თავიანთ სიცოცხლეს ყოველდღიურად გაიღებენ ჩვენი მოქალაქეებისთვის და ჩვენი უსაფრთხოებისთვის“, – განაცხადა თავდაცვის მინისტრმა ჯუანშერ ბურჭულაძემ, როცა მოიერიშე თვითმფრინავის კატასტროფის მიზეზებზე საუბრობდა.

წინა სტატიადავით ქაცარავას წვრილმან ხულიგნობასა და პოლიციელისადმი დაუმორჩილებლობას ედავებიან
შემდეგი სტატია“თავისუფლება მიშას!” – სამოქალაქო საზოგადოების წარმომადგენელთა აქცია შსს-სთან
ტელეკომპანია ოდიშის საინფორმაციო სამსახური