მთავარისიახლეებისაზოგადოებაორბანი, კიევში ვიზიტის შემდეგ, დღეს მოსკოვს ეწვევა და პუტინს შეხვდება

ორბანი, კიევში ვიზიტის შემდეგ, დღეს მოსკოვს ეწვევა და პუტინს შეხვდება

Published on

Financial Times ავრცელებს ინფორმაციას, რომ პარასკევს უნგრეთის პრემიერმინისტრი, ვიქტორ ორბანი მოსკოვში ჩამოსვლას და რუსეთის პრეზიდენტ ვლადიმირ პუტინს შეხვდეს გეგმავს.

გამოცემა ერთ უნგრელ და ორ ევროპელ მაღალჩინოსანზე დაყრდნობით ამბობს, რომ ასეთი ვიზიტი, რომელზეც ინფორმაცია მედიაში გავრცელდა, ნამდვილად იგეგმება. მანამდე ვიზიტზე წერდა “რადიო თავისუფლების” ევროპის ბიურო, ასევე უნგრელი ჟურნალისტი საბოლც პანი.

სტატიის მიხედვით, ორაბნი უკრაინასა და რუსეთს შორის შუამავლის როლის შესრულებას აპირებს.

“ვფიქრობ, მისი სტრატეგია არის ორივე მხარის მოსმენა” – განუცხადა Financial Times-ს ერთ-ერთმა წყარომ.

ამ კვირაში ორბანი კიევს ეწვია. ეს იყო მისი პირველი ვიზიტი უკრაინის დედაქალაქში 2012 წლის შემდეგ. მოგზაურობის დროს მან თქვა, რომ უკრაინის პრეზიდენტს ვლადიმერ ზელენსკის შესთავაზა განიხილოს ცეცხლის შეწყვეტა რუსეთთან სამშვიდობო მოლაპარაკებების დაჩქარების მიზნით.

FT იხსენებს, რომ ორბანი ორჯერ შეხვდა პუტინს უკრაინაში რუსეთის სრულმასშტაბიანი შეჭრის დაწყების შემდეგ.

ევროპული საბჭოს ხელმძღვანელმა შარლ მიშელმა თქვა, რომ უნგრეთს არ აქვს უფლებამოსილება აწარმოოს რუსეთთან ევროკავშირის სახელით მოლაპარაკება და პოლონეთის პრემიერ მინისტრმა დონალდ ტუსკმა დაწერა X-ზე: “მოსკოვში თქვენი ვიზიტის შესახებ ჭორები არ შეიძლება, იყოს სიმართლე. თუ შეიძლება?”.

სიახლეები

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...

ყირიმის ხიდზე დარტყმის შედეგად ერთ-ერთი თაღი ჩამოინგრა

ყირიმის ხიდზე მორიგი იერიში განხორციელდა, რასაც ძლიერი აფეთქებები მოჰყვა. დარტყმის შედეგად ხიდის ერთ-ერთი თაღი...