დღეს საქართველოს მასშტაბით ერთიანი ეროვნული გამოცდები დაიწყო. ზუგდიდში მოქმედი საგამოცდო ცენტრი დილიდან გახსნილია, პირველი ნაკადი ცენტრმა დილის რვა საათზე მიიღო, ერთიანი ეროვნული გამოცდების პირველი სესია ქართული ენასა და ლიტერატურაში ტარდება,ზუგდიდის საგამოცდო ცენტრში დღეს პირველ სესიაზე რეგისტრირებულია 403 აბიტურიენტი, გამოცხადდდა 368 აბიტურიენტი.
გამოცდები საქართველოს 12 ქალაქის 24 საგამოცდო ცენტრში ტარდება.
2024 წლის გამოცდებისთვის სულ 80 000-მდე აპლიკანტი დარეგისტრირდა, მათ შორის: ერთიანი ეროვნული გამოცდებისათვის დარეგისტრირდა 47 000-ზე მეტი აბიტურიენტი; სტუდენტთა საგრანტო კონკურსში მონაწილეობის სურვილი 3 000-ზე მეტმა სტუდენტმა გამოთქვა; საერთო სამაგისტრო გამოცდისთვის რეგისტრაცია 10 000-ზე მეტმა მაგისტრანტობის კანდიდატმა გაიარა; მასწავლებლის გამოცდისათვის 18 900-ზე მეტმა აპლიკანტმა გაიარა რეგისტრაცია.
2024 წლის გამოცდები ტრადიციულად ორ სესიად ტარდება.
.