საქართველოს ნაკრები თბილისშია – ფეხბურთელები აეროპორტიდან ცოცხალი ჯაჭვით გააცილეს

0
31

თბილისის აეროპორტიდან საქართველოს ნაკრების ფეხბურთელები დახურული ავტობუსით ქალაქის ცენტრისკენ დაიძრნენ. აეროპორტში, მიმდებარე ტერიტორიაზე, ასევე კახეთის გზატკეცილის გამყოფ ბორდიურზე, ცოცხალ ჯაჭვად, ნაკრებს უამრავი გულშემატკივარი, ძირითადად, ახალგაზრდები, ბავშვები და მოზარდები დახვდნენ.

საქართველოს ნაკრების ავტობუსი სწორედ ამ ზღვა ხალხში მიიკვლევდა გზას. გაძლიერებული იყო უსაფრთხოების ზომები, ავტობუსს სახელმწიფო დაცვის სპეციალური სამსახურისა და საპატრულო პოლიციის ეკიპაჟები მიაცილებდნენ.

“საქართველო!” , “მადლობა!” – სკანდირებდნენ გულშემატკივრები. საქართველოს ნაკრების საზეიმო დახვედრა დღეს 21:30 საათზე, მიხეილ მესხის სტადიონიდან დაიწყება: ნაკრების ფეხბურთელები ღია ავტობუსით დაიძრებიან თავისუფლების მოედნისკენ, სადაც 22:00-ზე საზეიმო დახვედრა გაიმართება.

წინა სტატიაCNN: ევროპაში აშშ-ის რამდენიმე სამხედრო ბაზა გაძლიერებულ მზადყოფნაში მოიყვანეს
შემდეგი სტატია“ვფიქრობ, თქვენ უფრო მეტს ნახავთ…” – ენტონი ბლინკენი “რუსული კანონის” გამო სანქციების შესახებ
ტელეკომპანია ოდიშის საინფორმაციო სამსახური