ევროპაში აშშ-ის რამდენიმე სამხედრო ბაზა, შაბათ-კვირის განმავლობაში, გაძლიერებულ მზადყოფნაში მოიყვანეს და მათი დაცვის დონე გაზარდეს, იმ შეშფოთების ფონზე, რომ ტერორისტულ თავდასხმის სამიძნე შესაძლოა აშშ-ის სამხედრო პერსონალი ან ობიექტები გახდნენ. ინფორმაციას CNN ორ ოფიციალურ პირებზე დაყრდნობით ავრცელებს.
ოფიციალური პირების განცხადებით, მსგავსი ზომები შეეხო გერმანიის ქალაქ შტუტგარტის გარნიზონში მდებარე ბაზას, სადაც აშშ-ის ევროპული სარდლობის შტაბი მდებარეობს, დაცვა გაძლიერდა დონემდე “ჩარლი”. აშშ-ის არმიის თანახმად, ეს სტატუსი მაშინ გამოიყენება, როცა რაიმე ინციდენტის ან შესაძლო ტერაქტის ან/და თავდასხმასთან დაკავშირებული სადაზვერვო მონაცემების მიღება ხდება.
აშშ-ის ერთ-ერთმა ოფიციალურმა წარმომადგენელმა, რომელიც ევროპაში ბაზაზეა დისლოცირებული CNN-ს განუცხადა, რომ მათ მსგავსი საფრთხის დონე “მინიმუმ 10 წლის განმავლობაში” არ ჰქონიათ.
აშშ-ის შეიარაღებული ძალების ევროპული სარდლობის წარმომადგენელმა დენ დეიმ კონკრეტულ ზომებთან დაკავშირებით კომენტარის გაკეთებაზე უარი თქვა და CNN-ს განუცხადა, რომ USEUCOM “მუდმივად აფასებს სხვადასხვა ფაქტორებს, რომლებიც გავლენას ახდენენ აშშ-ს სამხედრო საზოგადოების უსაფრთხოებაზე საზღვარგარეთ”.
“ამ ძალისხმევის ფარგლებში, ჩვენ ხშირად ვიღებთ დამატებით ზომებს ჩვენი სამსახურის წევრების უსაფრთხოების უზრუნველსაყოფად. ოპერატიული უსაფრთხოების მიზეზების გამო ჩვენ არ მივიღებთ კონკრეტულ ზომებს, მაგრამ ვინარჩუნებთ სიფხიზლეს”,- განაცხადა აშშ-ის ევროპული სარდლობის სპიკერმა, დენ დეიმ.
ამ დროისთვის, არ ზუსტდება კონკრეტულად რა დაზვერვამ გამოიწვია უსაფრთხოების დრონის გაზრდა, თუმცა ევროპულმა ხელისუფლებამ, ივლისში პარიზის ოლიმპიადის წინ და გერმანიაში მიმდინარე ევროპის საფეხბურთო ჩემპიონატის დროს, პოტენციური ტერორისტული საფრთხის გამო გაფრთხილება გამოაცხადა.