ცნობილმა რუსმა სამხედრო ჟურნალისგმა და პროპაგანდისტმა, ალექსანდრ კოცმა თავის ვიდეოსტრიმში უკრაინა-რუსეთის ომში ფრონტებზე არსებულ ვითარებაზე ისაუბრა და წმინდა წყლის ყოფითი პრობლემების გარდა, სამხედრო დეტალებსაც შეეხო.

პროპაგანდისტი იძულებული იყო, უხალისოდ ეღიარებინა რამდენიმე გარემოება, კერძოდ კი ის, რომ:

📌 რუსებს ომის უახლოეს მომავალში დასრულების იმედი არ უნდა ჰქონდეთ.
📌 არ არის მოსალოდნელი, რომ რუსეთის არმია უახლოეს მომავალში შეძლებს ფრონტის რომელიმე უბანზე ფართომასშტაბიანი გარღვევა განახორციელოს, არც რომელიმე დიდი უკრაინული ქალაქის აღებას უნდა ელოდეს ვინმე, საამისო რესურსები არ არის.
📌 ვოლჩანსკთან რუსეთის არმიის შეტევა შეჩერებულია და იგი ფრონტის ამ უბანზე ფაქტიურად თავდაცვაზეა გადასული, ვინაიდან შეტევის შემდგომი გაგრძელება დაკავშირებული იქნება დიდ და გაუმართლებელ მსხვერპლთან.
📌 უკრაინელებს დრონების უზარმაზარი რაოდენობა აქვთ, რომლებმაც ფაქტიურად ჩაანაცვლა მართვადი ტანკსაწინააღმდეგო რაკეტები და ნაწილობრივ არტილერიაც. უკრაინული დრონების პრობლემა კი გადაუწყვეტელი რჩება.

რუსი პროპაგანდისტის ამ აღიარებას მისი “კოლეგენი” არცთუ აღფრთოვანებით შეხვდნენ, მაგრამ აღმოჩნდნენ ისეთებიც, რომლებმაც კოცს დაეთანხმნენ. 

• ოთო კონჯარია, “ალფა სიხშირე”