საქართველოს ნაკრების მეკარე გიორგი მამარდაშვილი ასახელებს მის საუკეთესო მოგერიებას ევრო2024-ზე. გიორგი მამარდაშვილი ესპანურ მედიასთან ამბობს, რომ გამორჩეული მოგერიება იყო პორტუგალიასთან მატჩში, როდესაც დიოგო დალოს არ გაატანინა გოლი.
მამარდაშვილი, რომელსაც ჯგუფურ ეტაპზე ყველაზე მეტი მოგერიება აქვს, ამბობს, რომ ეს ყველაზე რთული დარტყმული იყო, რომლის მოგერიებაც მოუწია.
თუმცა პორტუგალიელს ეს გოლი რომც გაეტანა, მას რეფერი გააუქმებდა, რადგან მანამდე ლოჩოშვილს საჯარიმოში ეუხეშნენ და მსაჯმა VAR-ის საფუძველზე პენალტი დანიშნა.
გიორგი მამარდაშვილს მიმდინარე ევროპის ჩემპიონატზე 21 მოგერიება აქვს და ამ თვალსაზრისით პირველ ადგილზეა. ის არაერთმა გამოცემამ ჯგუფური ეტაპის სიმბოლურ ნაკრებშიც შეიყვანა.