მოსალოდნელი ქარიშხლის გამო დორტმუნდში ყველა ფანზონა დაიხურა. ამის შესახებ გადაწყვეტილება ადგილობრივმა ხელისუფლებამ მიიღო. ასევე ამინდის მოსალოდნელი გაუარესების გამო აიკრძალა მსვლელობებიც სტადიონამდე.

მიუხედავად ამ პროგნოზისა, “პირველების” კორესპოდენტი დორტმუნდიდან იტყობინება, რომ ამ წუთებში გერმანიის ქალაქში მშრალი და უნალექო ამინდია.

გაფრთხილების გამო, ასევე დღეს დახურულია საჯარო გულშემატკივართა ზონები კიოლნში, დუსელდორფსა და გელზენკირხენში.

დღეს ქართული ფეხბურთისთვის ისტორიული თარიღია. სტადიონზე ეროვნილი ნაკრების მხარდასაჭერად ათასობით ქართველი მივა. მეორე დღეა დორტმუნდი ქართველი ქომაგებით არის სავსე და თითქმის ყველა ქუჩაზე ქართული შეძახილები ისმის.

ისინი, კი ვინც გერმანიაში ვერ წავიდა, გადამწვეტი თამაშის ყურების შესაძლელობლობა მიხეილ მესხის სტადიონზე ექნებათ. სტადიონზე გიგანტური 6 ეკრანი უკვე დამონტაჟებულია და კარი ქართველი ქომაგებისთვის ზუსტად 6 საათზე გაიღება.

ბოლო განცხადება გადამწყვეტი მატჩის წინ უკვე გააკეთეს ეროვნული ნაკრების წევრებმაც, თქვეს, რომ მზად არიან მოგებისთვის და გამარჯვებითვის.

საქართველოს საფეხბურთო ნაკრები ევროპის ჩემპიონატზე პირველ მატჩს დღეს თურქეთთან გამართავს.

შეხვედრა თბილისის დროით 20:00 საათზე დაიწყება. მატჩი გერმანიის ქალაქ დორტმუნდში, „სიგნალ იდუნა პარკზე“ გაიმართება.