4 წელი გიორგი შაქარაშვილის ტრაგედიიდან – 19 წლის ფეხბურთელი 2020 წლის 18-19 ივნისის ღამით გაუჩინარდა.
მეგობრებმა და ოჯახის წევრებმა მისი ძებნა მეორე დღეს, გამთენიას დაიწყეს. ოჯახმა შაქარაშვილის გაუჩინარების თაობაზე შინაგან საქმეთა სამინისტროს 19 ივნისს, დილის 11:00 საათისთვის მიმართა.
ოთხდღიანი ძებნის შემდეგ, 22 ივნისს, შაქარაშვილის ცხედარი მდინარე არაგვში იპოვეს.
შაქარაშვილის განზრახ ჯგუფურად მკვლელობის საქმეზე კონფლიქტის მონაწილე ახალგაზრდები დააკავეს.
რამდენიმეთვიანი გამოძიებისა და სასამართლო პროცესების შემდეგ, ორ არასრულწლოვანს 10 წლითა და 6 თვით პატიმრობა შეეფარდა, ხოლო სამ სრულწლოვან ბრალდებულს – 16-16 წლიანი პატიმრობა.