ევროკავშირის ლიდერები, დღეს, 17 ივნისს, ბრიუსელში არაფორმალურ შეხვედრას გამართავენ, სადაც ევროპული არჩევნების შემდეგ უმაღლეს თანამდებობებზე კანდიდატების დამტკიცების საკითხს განიხილავენ. ამის შესახებ ინფორმაციას გამოცემა Reuters-ი ავრცელებს.
ლიდერებმა უნდა გადაწყვიტონ ვინ იქნებიან ევროკომისიისა და ევროსაბჭოს მომდევნო ხელმძღვანელები. ასევე უნდა იმსჯელონ, თუ ვინ იქნება საგარეო პოლიტიკის შემდეგი ხელმძღვანელი.
გამოცემის ცნობით, ურსულა ფონ დერ ლაიენი ევროკომისიის პრეზიდენტის თანამდებობას, სავარაუდოდ, მეორე ვადით დაიკავებს, მას შემდეგ რაც ევროსაბჭოს არჩევნებში მისმა მემარჯვენე ცენტრისტულმა ევროპის სახალხო პარტიამ გაიმარჯვა.
ევროსაბჭოს მომავალი პრეზიდენტის ადგილას პორტუგალიის ყოფილი პრემიერმინისტრის, ანტონიო კოსტას კანდიდატურად განიხილავენ.
საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის ადგილს კი, სავარაუდოდ, ესტონეთის პრემიერმინისტრი, კაია კალასი დაიკავებს.
ლიდერები თავიანთ გადაწყვეტილებას ევროკავშირის სამიტზე 27-28 ივნისს დაადასტურებენ.