არჩილ ხოფერიას ინფორმაციით, რუსმა ოკუპანტებმა ქართული ლეგიონის მეთაური, მამუკა მამულაშვილი მოწამლეს

0
57

უკრაინაში მებრძოლის, არჩილ ხოფერიას ინფორმაციით, რუსმა ოკუპანტებმა ქართული ლეგიონის მეთაური მამუკა მამულაშვილი მოწამლეს. მისი თქმით, მამულაშვილი ცოცხალია და განაგრძობს ბრძოლას ქვეყნის მომავლისთვის.

“ახლა შეიძლება ამის თქმა, როცა ჩაიარა მძიმე დრომ და მძიმე წუთებმა. ლეგიონის მეთაური, ჩვენი მეთაური მამუკა მამულაშვილი მოწამლული იქნა მტრების მიერ. მაგრამ, იგი ცოცხალია, იგი განაგრძობს ბრძოლას, ლეგიონი განაგრძობს ბრძოლას და მინდა ვუთხრა მტრებს, ჩვენ მტრებს, ჩვენი ქვეყნის, სამშობლოს მტრებს, რომ არავის სიკვდილი, მათ შორის, არც მეთაურის არ შეაჩერებს ჩვენს ბრძოლას, ლეგიონის ბრძოლას, ჩვენი ხალხის ბრძოლას ერთიანი, თავისუფალი საქართველოსთვის, ჩვენი ქვეყნის მომავლისთვის. ჩვენი ერის მარადიულ ბრძოლას ვერავის სიკვდილი ვერ შეაჩერებს”, – ამბობს არჩილ ხოფერია ვიდეომიმართვაში.

წინა სტატიაეროვნულმა ბანკმა მაის-ივნისში იმაზე მეტი დოლარი გაყიდა ვიდრე 2023 წელს მთლიანად
შემდეგი სტატიაBRICS-ის ჩემპიონატზე, რომლის ერთ-ერთი ორგანიზატორი ჩინეთია, ოკუპირებული აფხაზეთის და ცხინვალის რეგიონებიც მონაწილეობენ
ტელეკომპანია ოდიშის საინფორმაციო სამსახური