წალენჯიხის აკადემიის მოსწავლეები “იუვენტუსის” აკადემიების მსოფლიო ჩემპიონატში მიიღებენ მონაწილეობას

0
46

ტურინში იუვენტუსის აკადემიების მსოფლიო ჩემპიონატი იწყება. პირველად ევროპაში გამართულ საფეხბურთო მატჩებში მონაწილეობას წალენჯიხის აკადემიის აღსაზრდელებიც მიიღებენ. ქართველი ახალგაზრდა ფეხბურთელები დღეს პირველ თამაშს ლონდონის აკადემიის გუნდთან გამართავენ.

ჩემპიონატში ჯამში 26 ქვეყნის 36 აკადემია იღებს მონაწილეობას. ამ ჩემპიონატს წინ უსწრებდა მსოფლიო ფეხბურთის ლეგენდის დავიდ ტრეზეგეს ვიზიტი საქართველოში. ფრანგმა ფეხბურთელმა წალენჯიხის აკადემიის აღსაზრდელებს საკუთარი ცოდნა გაუზიარა.

პარტია “ლელო” ლიდერებმა უკვე დაანონსეს, რომ იუვენტუსის აკადემია თბილისშიც გაიხსნება.

წალენჯიხის იუვენტუსი, ეს არაჩვეულებრივი ბავშვები ხვალიდან უკვე მონაწილეობას მიიღებენ მსოფლიო ჩემპიონატზე, რომელიც გაიმართება ტურინში. ეს არის, დაახლოებით, 80, იუვენტუსის აკადემიის მსოფლიო ჩემპიონატი, რომელიც ყოველწლიურად ტარდება. საკმაოდ საინტერესო ქვეჯგუფში მოხვდა წალენჯიხის იუვენტუსი. ვეთამაშებით ლოს-ანჯელესს, ლონდონს და ა.შ. ბიჭები არიან განწყობილი გამარჯვებისთვის და დავდებთ აუცილებლად გამარჯვების ლელოს, – თქვა მამუკა ხაზარაძემ.

წინა სტატია“ივანიშვილი საკუთარ მმართველობას ასრულებს საქართველოს მოქალაქეების 5 მილიარდის მითვისებით”- ნიკა გვარამია
შემდეგი სტატია“ახალი” ოპოზიციის ერთიან სიას არ ეთანხმება – ნიკა გვარამია
ტელეკომპანია ოდიშის საინფორმაციო სამსახური