საქართველოს პარლამენტის დიასპორისა და კავკასიის საკითხთა კომიტეტის თავმჯდომარე ბექა ოდიშარია ტვ “იმედის” ეთერში აცხადებს, რომ არავითარი შეტყობინება აშშ-ის მხრიდან “ოცნების” დეპუტატებისთვის ვიზების გაუქმებაზე ან რაიმე სხვა სანქციის დაწესებაზე არც მეილით და არც ფოსტით არ მიუღიათ.
ინფორმაცია, თითქოს რუსულ კანონზე ხელმომწერ დეპუტატებსა და მათი ოჯახის წევრებს აშშ-ის ვიზები გაუუქმეს, ოპოზიციის წარმომადგენლებმა გაავრცელეს, რაც სოციალურ ქსელებშიი განხილვისა და ხუმრობის თემა გახდა:
“გახსენით მეილები”; “ღირსებით მაილ.რუ-სკენ”, – ხუმრობდნენ “ფეისბუქზე”.
„მინდა დავამშვიდო საზოგადოება და ვუთხრა, რომ არც მეილზე და არც ფოსტით არ მოგვსვლია შეტყობინება იმის შესახებ, რომ გაუქმებულია, ან შეზღუდულია რამენაირად ვიზები იქნება ეს პოლიტიკოსებისთვის, ხელოვანებისთვის, სტუდენტებისათვის, თუ ა.შ. ყველანაირი სტატუსი შენარჩუნებულია ყველა სოციუმის მიმართ.
ზოგადად, ყოველთვის იყო ამერიკის შეერთებული შტატების მიდგომა მკაცრი ტურისტების და ზოგადად ვიზებთან მიმართებაში. ვიზა გაქვთ თუ არა მნიშვნელობა არ აქვს. თუ დააპირებთ ამერიკაში გამგზავრებას, ნებისმიერ მესაზღვრეს აქვს უფლება თავად მიიღოს გადაწყვეტილება – სწორად გაიცა თუ არა ვიზა და ყოველგვარი ახსნა-განმარტების გარეშე მიაბრუნონ ნებისმიერი ქვეყნის მოქალაქე უკან სამშობლოში“, – განაცხადა ბექა ოდიშარიამ.