გამოვლინდა შავი ზღვის დაბინძურების ფაქტი

0
55

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის შავი ზღვის დაცვის კონვენციური სამმართველოს თანამშრომლებმა, სასაზღვრო პოლიციის თანამშრომლებთან ერთად, შავი ზღვის დაბინძურების ფაქტი გამოავლინეს.

როგორც მათ მიერ გავრცელებულ განცხადებაშია ნათქვამი, ზღვა პანამის დროშის ქვეშ მცურავმა გემმა სამეურნეო წყლებით დააბინძურა.

უწყების ცნობითვე, ფოთის სასამართლომ გემი სამართალდამრღვევად ცნო და 65 000 ლარის ოდენობის ჯარიმა დააკისრა.

“პანამის დროშის ქვეშ მცურავ გემს საქართველოს ტერიტორიული წყლების დატოვებისა და თავისუფალი ნაოსნობის უფლება დაკისრებული საჯარიმო სანქციისა და გარემოსთვის მიყენებული ზიანის თანხის გადახდის შემდეგ მიეცა”- ნათქვამია განცხადებაში.

წინა სტატიახაბეიშვილი: ენმ-ის ოფისზე თავდასხმის შემდეგ, “ბანდიტთა” მანქანებს პოლიციის ეკიპაჟი აცილებს
შემდეგი სტატიაპაპუაშვილის ხელმოწერით, ოფშორების კანონი ძალაში შევიდა
ტელეკომპანია ოდიშის საინფორმაციო სამსახური