საქართველოს მოქალაქე, 25 წლის გიორგი წილოსანი დაიღუპა ჩინეთის ქალაქ დალიანში, პალაუს დროშის ქვეშ მცურავ ტანკერზე მიმდინარე სარემონტო სამუშაოების დროს, – ამის შესახებ ტვ “პირველი” იტყობინება.
გიორგი წილოსანის ოჯახში ამტკიცებენ, რომ ტანკერზე არ იყო დაცული უსაფრთხოების ზომები. ოჯახის წევრების თქმით, გიორგიმ ზღვაში გადახტომა მოახერხა მას შემდეგ, რაც მის ტანსაცმელს ცეცხლი მოედო, მაგრამ თავი რკინის კონსტრუქციას დაარტყა, გონება დაკარგა და ჩაიძირა.
აფეთქების შემდეგ მასთან ერთად ზღვაში კიდევ ორი ჩინელი მეზღვაური გადახტა. მათ ნაპირამდე მიღწევა შეძლეს და სხვადასხვა ხარისხის დამწვრობით კლინიკაში არიან მოთავსებული.