სოლიდარობის უპრეცენტო აქცია შედგა. მურუსიძის სასამართლოს მიერ დაჯარიმებული ადამიანების დასახმარებლად 250 ათასი ლარი შეგროვდა. ეს ღამის 01:00 საათის მონაცემია. ორგანიზატორების ინფორმაციით, ჯერჯერობით არ არის ასახული უცხოეთიდან გადმორიცხული თანხები.
საქველმოქმედო აქცია კონცერტი რესპუბლიკის მოედანზე გვიან ღამით დასრულდა. 30-ზე მეტი მუსიკოსი ევროპული კურსის დასაცავად და სამშობლოს სიყვარულისთვის დაჯარიმებული ადამიანების დასახმარებლად გაერთიანდა, რადგან ივანიშვილის რეჟიმმა ანტირუსულ აქციებში მონაწილე პირების ნაწილი წვრილმანი ხულიგნობისთვის დააჯარიმა, მეორე ნაწილი კი პოლიციის დაუმორჩილებლობისთვის. აქცია-კონცერტზე შეგროვილი თანხა მთლიანად ჯარიმებისგან გათავისუფლებას მოხმარდება.