მთავარისიახლეებისაზოგადოებასაქართველოს ელჩი ლიეტუვის საგარეო საქმეთა სამინისტროში დაიბარეს

საქართველოს ელჩი ლიეტუვის საგარეო საქმეთა სამინისტროში დაიბარეს

Published on

ლიეტუვის საგარეო საქმეთა სამინისტროს განცხადებით, საქართველოს პარლამენტის მიერ რუსულ კანონზე პრეზიდენტოს ვეტოს დაძლევის შემდეგ, საქართველოს ელჩი უწყებაში დაიბარეს.

“საგარეო საქმეთა სამინისტრომ ღრმა მწუხარება გამოხატა საქართველოს მმართველი პარტიის მიერ გადადგმულ ნაბიჯთან და სხვა ქმედებებთან დაკავშირებით, რომლებიც მიმართულია ქვეყანაში სამოქალაქო საზოგადოების საქმიანობის დაშინებისა და შეზღუდვისკენ.

ეს ქმედებები ფუნდამენტურად ეწინააღმდეგება ქვეყნის კონსტიტუციით დაფიქსირებულ ევროკავშირსა და ნატოში ინტეგრაციის მისწრაფებებს”, – წერია განცხადებაში.

ლიეტუვის საგარეო საქმეთა სამინისტრო აცხადებს, რომ ევროკომისიამ საქართველოს კანდიდატის სტატუსი მიანიჭა 9 რეკომენდაციის შესრულების პირობით, ხოლო როდესაც პარლამენტმა რუსული კანონის განხილვა დაიწყო, ევროკავშირმა ცალსახად გააფრთხილა ქვეყანა, რომ რუსული სტილის კანონი არ შეესაბამებოდა ევროკავშირის სტანდარტებსა და ღირებულებებს.

“ქვეყანაში ცოტა ხნის წინ დაინიცირდა კიდევ რამდენიმე საკანონმდებლო ინიციატივა, რომლებიც შეუთავსებელია ევროკავშირში ინტეგრაციასთან. გავრცელდა ანტიდასავლური პროპაგანდა” – წერია განცხადებაში და აღნიშნულია, რომ ხელისუფლება სამოქალაქო საზოგადოების წარმომადგენლების მიმართ დაშინებისა და ძალადობის კამპანიით პასუხობდა პროტესტს.

“ლიეტუვა ღრმად არის შეშფოთებული ამ მოვლენებით და პარტნიორებთან ერთად განიხილავს შესაძლო კონტრზომებს”, – აღნიშნულია განცხადებაში.

უწყება ხაზს უსვამს თავისუფალი და სამართლიანი არჩევნების უზრუნველყოფის აუცილებლობას.

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...