ევროკავშირის უმაღლესი წარმომადგენელი, ჯოზეფ ბორელი ბრიუსელში, ევროკავშირის საგარეო საქმეთა მინისტრების შეხვედრის დაწყებამდე მედიასთან ამბობს, რომ დღევანდელ საბჭოზე საუბარი საქართველოში განვითარებულ მოვლენებსაც შეეხება.
“მინისტრები შეაფასებენ საქართველოში არსებულ სიტუაციას, აშკარაა, რომ საქართველოს მთავრობა ევროპული გზიდან გადადის და მინისტრებმა უნდა გადაწყვიტონ, როგორ იმოქმედონ”, – ამბობს ბორელი.
მისი თქმით, საქართველოს შესახებ დღეს იქნება მხოლოდ არსებული სიტუაციის პირველადი შეფასება.
შეგახსენებთ, რომ აღნიშნული საკითხი დღის წესრიგში მას შემდეგ დადგა, რაც “ოცნებამ” რუსული კანონი მიიღო. მაისში თბილისში იმყოფებოდა ევროკავშირის ოთხი ქვეყნის საგარეო საქმეთა მინისტრი – ლიეტუვა; ესტონეთი; ისლანდია; ლატვია. მათ მოუწოდეს ხელისუფლებას, არ მიეღო აღნიშნული კანონი თუ სურს ევროკავშირში გაწევრიანება.