კანკავა EURO 2024-ზე- გერმანიაში ნაკრებს როგორც გულშემატკივარი, ისე დავუდგები მხარში

0
63

საქართველოს ეროვნული ნაკრების ფეხბურთელი, ჯაბა კანკავა აცხადებს, რომ მარტის თამაშების შემდეგ მიიღო გადაწყვეტილება – სანაკრებო გამოძახების შემთხვევაში, ევროპის ჩემპიონატზე არა როგორც მოთამაშე, არამედ როგორც რიგითი გულშემატკივარი, ისე წასულიყო. შესაბამისად EURO 2024-ზე ის არ ითამაშებს.

კანკავა მწვრთნელის მიერ ნაკრების განაცხადში დასახელებულ ფეხბურთელებს შორისაა. ფეხბურთელი პოსტში გადაწყვეტილების მიზეზებზე არ საუბრობს.

იხილეთ:

“საქართველოს ნაკრების ევროპის ჩემპიონატზე დებიუტამდე რამდენიმე კვირა რჩება. მინდა, რომ ჩვენმა გუნდმა გერმანიაში მაქსიმალურად კარგი შედეგი აჩვენოს და კიდევ ერთხელ იზეიმოს ქართველ გულშემატკივართან ერთად, როგორც ეს 26 მარტს თბილისში იყო. მიხარია, რომ პლეიოფის ნახევარფინალსა და ფინალში გუნდთან ერთად ვიყავი და ამ ისტორიული გამარჯვების მონაწილე გავხდი.

თუმცა, მინდა ჩემი გადაწყვეტილების შესახებ გითხრათ, რომელიც მარტის თამაშების შემდეგ მივიღე: სანაკრებო გამოძახების შემთხვევაში, ევროპის ჩემპიონატზე არა როგორც მოთამაშე, არამედ რიგითი გულშემატკივრის სტატუსით გავემგზავრებოდი.

ძალიან დიდი მადლობა მინდა ვუთხრა სამწვრთნელო შტაბს იმ ნდობისთვის რომელიც მარტში გამომიცხადეს, მაშინ როცა ყველას ერთად ყოფნა და ისტორიულ ჩემპიონატზე გასვლა მთავარი მიზანი იყო. ასევე მადლობა იმ ნდობისთვის რაც ახლაც დავიმსახურე, როგორც სამწვრთნელო შტაბს, ისე გუშემატკივარს, რომლისგანაც ძალიან დიდი მხარდაჭერას ვგრძნობ.

გერმანიაში ნაკრებს მეც, როგორც გულშემატკივარი ისე დავუდგები მხარში და წარმატებებს ვუსურვებ იმ 26 ფეხბურთელს, რომელიც საქართველოს სახელის დაცვას გერმანიის სტადიონებზე შეეცდება”.

წინა სტატიავიწყებ შტატებსა და საქართველოს შორის ორმხრივი თანამშრომლობის გადახედვას – ბლინკენი
შემდეგი სტატიადაკავებულია კაცი, რომელმაც სოფელ კორცხელში ცოლი მოკლა
ტელეკომპანია ოდიშის საინფორმაციო სამსახური