მარტვილში დააკავეს კაცი, რომელმაც შვილს ესროლა

0
52

შინაგან საქმეთა სამინისტრო მარტვილის რაიონში მომხდარ დაჭრასთან დაკავშირებით განცხადებას ავრცელებს და ამბობს, რომ ოჯახის წევრის მიმართ დამამძიმებელ გარემოებებში ჩადენილი განზრახ მკვლელობის მცდელობის ბრალდებით 1958 წელს დაბადებული მ.ჯ. დააკავეს. მან შვილი დაჭრა.

დანაშაული 16-დან 20 წლამდე ვადით თავისუფლების აღკვეთას ითვალისწინებს.

“გამოძიებით დადგინდა, რომ მარტვილის მუნიციპალიტეტში, ბრალდებულმა ურთიერთშელაპარაკების ნიადაგზე შვილს – 1994 წელს დაბადებულ ლ.ჯ.-ს სანადირო თოფიდან გასროლით სახისა და ზურგის არეში დაზიანებები მიაყენა.

დაჭრილი ლ.ჯ. სასწრაფო სამედიცინო დახმარების ჯგუფმა სამედიცინო დაწესებულებებში გადაიყვანა”, – წერია შსს-ს განცხადებაში.

გამოძიება ოჯახის წევრის მიმართ დამამძიმებელ გარემოებებში ჩადენილი განზრახ მკვლელობის მცდელობის ფაქტზე, სისხლის სამართლის კოდექსის 19-109-ე მუხლის “კ” ქვეპუნქტით მიმდინარეობს.

წინა სტატიაქუთაისში საქართველოს ბანკში ნიღბიანი კაცი შეიჭრა – ადგილზე პოლიციაა მობილიზებული
შემდეგი სტატიაქუთაისში, ბანკში შეჭრილმა თავდამსხმელმა თანხის წაღება ვერ მოახერხა და ადგილიდან მიიმალა
ტელეკომპანია ოდიშის საინფორმაციო სამსახური