შრი-ლანკა რუსეთში დელეგაციას გაგზავნის, რათა უკრაინის ომში მონაწილე ასობით მოქალაქეს უკან დაბრუნებაში დაეხმაროს

0
86

შრი-ლანკა რუსეთში მაღალი დონის დელეგაციას გაგზავნის, რათა გაარკვიოს ასობით მისი მოქალაქის ბედი, რომელიც რუსეთის ომში მონაწილეობს უკრაინის წინააღმდეგ. ინფორმაციას Reuters შრი-ლანკის საგარეო საქმეთა მინისტრზე დაყრდნობით ავრცელებს.

შრი-ლანკის მცხოვრებლებს, WhatsApp-ის საშუალებით სთავაზობდნენ ხელსაყრელ ხელფასს და მოქალაქეობას, ძირითადი სამიზნე ყოფილი სამხედროები იყვნენ, თავდაცვის სამინისტრომ გააფრთხილა მოსახლეობა, არ მოტყუებულიყვნენ. მაისის დასაწყისში შრი-ლანკის ხელისუფლებამ გამოძიება დაიწყო.

“პირველადი გამოწვევა მდგომარეობს რუსეთში მყოფი ინდივიდების ზუსტი რაოდენობის დადგენაში. არაოფიციალური წყაროების მიხედვით, დაახლოებით 600-800 შრი-ლანკელი ადამიანი იმყოფება რუსეთში”, – განუცხადა მინისტრმა ჟურნალისტებს.

შრი-ლანკის ხელისუფლებამ მიიღო 288 საჩივარი იმ მოქალაქეების ოჯახის წევრებისგან, რომლებიც უკანონოდ წავიდნენ უკრაინის წინააღმდეგ საბრძოლველად და დააკავეს შვიდი ადამიანი, მათ შორის გადამდგარი გენერალი, რომელიც ჩართული იყო ადამიანებით ვაჭრობაში, განაცხადა შრი-ლანკის თავდაცვის სამინისტრომ.

სამინისტროს ცნობით, უკრაინაში საბრძოლო მოქმედებების დროს 16 გადამდგარი სამხედრო მოსამსახურე დაიღუპა.

წინა სტატიასალომე ზურაბიშვილი მოლდოვის პრეზიდენტს ტელეფონით ესაუბრა
შემდეგი სტატიაარა რუსულ კანონს ! – უნგრეთსა და ესტონეთში საპროტესტო აქციები გაიმართა
ტელეკომპანია ოდიშის საინფორმაციო სამსახური