პრეზიდენტი ამ წუთებში ანტირუსული აქციების მონაწილე ახალგაზრდებს ხვდება. სალომე ზურაბიშვილმა ისინი ქვეყანაში მიმდინარე მოვლენებზე სასაუბროდ მიიწვია. შეხვედრის მონაწილეები ამბობენ, რომ მას საკუთარ ხედვებს გააცნობენ.
“კონკრეტულად რა საკითხზე იქნება მსჯელობა არ ვიცით, თუმცა თავისთავად ცხადია, გავუზიარებ პირადად მე ჩემს შეშფოთებებს და იმ არსებულ მდგომარეობას, რაც ქვეყანაში ხდება და რასაც განვიცდით…ფაქტობრივად, შეიძლება ითქვას, რომ ხელისუფლება გვაყენებს იმ პირობებში, რომ თავს ვგრძნობდეთ დაუცველად, რომ ქუჩაში როდის დაგვესხმებიან თავს არ ვიცოდეთ ან როდის გააკრავენ ჩვენს სურათებს ან როდის დაგვირეკავენ საგინებლად”, – ამბობს ერთ-ერთი ახალგაზრდა “ფორმულასთან” საუბრისას.