3-4 მაისს საკანონმდებლო ორგანოში მხოლოდ პარლამენტის წევრები და აპარატის თანამშრომლები დაიშვებიან

0
92

პარლამენტის განცხადებით, 3-4 მაისს, შენობაში იმოქმედებს უსაფრთხოების ყვითელი დონე და ვიზიტორებს შეეზღუდებათ შესვლა. მათივე ცნობით, შენობაში დაიშვებიან მხოლოდ საქართველოს პარლამენტის წევრები და აპარატის თანამშრომლები. ეს ნიშნავს, რომ მედიის წარმომადგენლები საკანონმდებლო ორგანოში ვერ შევლენ.

“„საქართველოს პარლამენტის სასახლეში უსაფრთხოების დაცვის წესის დამტკიცების თაობაზე“ საქართველოს პარლამენტის თავმჯდომარის 2023 წლის 04 სექტემბრის N1/259/23 ბრძანების შესაბამისად, მიმდინარე წლის 3-4 მაისს საქართველოს პარლამენტის სასახლეში იმოქმედებს უსაფრთხოების ყვითელი დონე – ვიზიტორებს ეზღუდებათ პარლამენტის სასახლეში შესვლა. შენობაში დაიშვებიან მხოლოდ საქართველოს პარლამენტის წევრები და აპარატის თანამშრომლები. აღნიშნული ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა”, – წერია განცხადებაში.

ცნობისთვის, პარლამენტში გუშინ, 2 მაისს, ბიურო და პლენარული სხდომა არ გაიმართა. მიზეზად დასახელდა ის, რომ შენობა დასალაგებელი იყო და ერთ ნაწილში ჩამსხვრეული იყო შუშები.

წინა სტატიაარა რუსულ კანონს კი ევროპას დღეს ზუგდიდის მერიასთან კვლავ გაპროტესტეს რუსული კანონი და ქვეყნის რუსეთისკენ სვლა
შემდეგი სტატიაავტოსაგზაო შემთხვევა სვანეთში – მდინარეში სამი არასრულწლოვანი გადავარდა
ტელეკომპანია ოდიშის საინფორმაციო სამსახური